Номинал ЯИМ аввалгидек, турли мамлакатлар иқтисодий қудратини халқаро таққослаш кўрсаткичи бўлиб қолавермоқда, лекин унинг ишончлиги барибир саволлар уйғотмоқда. Лоран Шалар "Атлантико"га берган интервьюда қайд этишича, халқаро геосиёсатдаги иккита асосий мамлакат - Хитой ва Россиядаги ҳолат айниқса муаммоли бўлиб кўринади. Расмий статистика маълумотлари объектив эканлиги борасида шубҳалар мавжуд.

Гарчи сайёрамизнинг энг бадавлат давлатлари Яқин Шарқда жойлашган бўлсада, ҳозирги кунда мусулмон давлатларнинг биронтаси ривожланган мамлакатлар қаторига киритилмайди. Халқаро валюта жамғармаси аҳоли жон бошига тўғри келадиган даромад, экспорт ҳажми ва жаҳон иқтисодиётига интеграция кўрсаткичларига мувофиқ мамлакатларни ривожланган ва ривожланаётган мамлакатларга ажратади. Бу рақамлар ва шартлар ортида нималар турибди?